కరోనా దెబ్బకు సమ్మర్ లో రిలీజ్ కావాల్సిన చిత్రాలన్నీ దసరా బరిలో రాబోతున్నాయి. ఇప్పటికే పలు చిత్రాలు దసరా బరిలో నిలువగా..తాజాగా ‘రంగ్ దే’ చిత్రాన్ని సైతం దసరా బరిలో నిలిపేందుకు నిర్మాతలు సిద్ధమవుతున్నారు. భీష్మ తో సూపర్ హిట్ అందుకున్న నితిన్..ప్రస్తుతం సెట్స్ ఫై ఉన్న సినిమాల ఫై ఫుల్ ఫోకస్ పెట్టాడు. వాటిల్లో రంగ్ దే చిత్రం ఒకటి. ‘తొలిప్రేమ’, ‘మిస్టర్ మజ్ను’ చిత్రాల దర్శకుడు వెంకీ అట్లూరి దర్శకత్వంలో ఈ సినిమా తెరకెక్కుతుంది. ‘గిమ్మీ సమ్ లవ్’ అనేది ట్యాగ్ లైన్.
నితిన్ సరసన కీర్తి సురేష్ హీరోయిన్‌గా నటిస్తుండగా.. పీడీవీ ప్రసాద్ సమర్పణలో సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ సినిమాను నిర్మిస్తున్నారు. దిగ్గజ సినిమాటోగ్రాఫర్ పి.సి.శ్రీరామ్ ఈ సినిమాకు కెమెరామన్‌గా పనిచేస్తున్నారు. ప్రస్తుతం షూటింగ్ దశలో ఉన్న ఈ చిత్రాన్ని జులై నెలలో విడుదల చేయాలనీ ముందుగా అనుకున్నప్పటికీ , కరోనా వైరస్ కారణంగా షూటింగ్ లు బంద్ కావడం తో ఈ సినిమాను దసరా బరిలో దించబోతున్నట్లు వినికిడి.