ప్రభాస్ – సుజిత్ కలయికలో వచ్చిన సాహో చిత్రం తెలుగు లో పెద్దగా సక్సెస్ సాధించకపోయినా ..హిందీ లో సూపర్ సక్సెస్ సాధించి మంచి వసూళ్లు రాబట్టింది. తాజాగా ఈ మూవీ జపాన్ లో రికార్డ్స్ సృష్టిస్తుంది. గత కొన్ని నెలలుగా కరోనా వైరస్ కారణంగా జపాన్ లో థియేటర్స్ మూతపడ్డాయి. ఈ మధ్యనే కాస్త కరోనా ఉదృతి తగ్గుముఖం పట్టడం తో మళ్లీ థియేటర్స్ ఓపెన్ అయ్యాయి.
ప్రభాస్ నటించిన ‘సాహో’ జనవరిలో జపాన్‌లో విడుదలైంది. ఈ సినిమా విడుదలైన కొద్ది రోజులకే కరోనా మహమ్మారి విజృంభించడంతో అక్కడి థియేటర్లు మూతపడ్డాయి. థియేటర్లను తెరిచిన తర్వాత మరోసారి ఈ సినిమాను విడుదల చేశారు. తాజా రిపోర్టుల ప్రకారం జపాన్‌లో తొలి రోజు అత్యధిక వసూళ్లు సాధించిన భారతీయ సినిమాగా సాహో నిలిచింది. ఇంతకు ముందు ఆ రికార్డు ఆమిర్‌ఖాన్ ‘దంగల్’ పేరిట ఉండేది. అలాగే జపాన్‌లో ఓవరాల్‌గా అత్యధిక వసూళ్లు సాధించిన టాప్-5 ఇండియన్ సినిమాల జాబితాలో ‘సాహో’ చేరింది. ‘సాహో’తోపాటు ‘ఇంగ్లీష్ వింగ్లీష్’, ‘3 ఇడియెట్స్’, ‘ముత్తు’, ‘బాహుబలి-2’ టాప్ 5లో ఉన్నాయి.