ఎన్నో ఫీచర్లతో ప్రపంచ వ్యాప్తంగా ఆదరణ పొందిన మెసేజింగ్‌ యాప్ టెలీగ్రామ్‌ వీడియో కాల్స్‌ ఫీచర్‌ను తీసుకొస్తున్నట్లు ప్రకటించింది. ఆండ్రాయిడ్‌, ఐఓఎస్‌ వినియోగదారులు త్వరలోనే ఈ సౌకర్యాన్ని పొందొచ్చని పేర్కొంది. ఒకరికి మాత్రమే వీడియో కాల్ చేసుకునేలా పీచర్‌ను తీసుకొస్తామని ప్రకటించింది.
భవిష్యత్‌లో గ్రూప్‌ వీడియో కాలింగ్‌ సౌకర్యం తీసుకొస్తామని తెలిపింది. తమ ఏడవ వార్షికోత్సవాన్ని పురస్కరించుకుని ఆ కంపెనీ ఈ ప్రకటన చేసింది. తాము తీసుకొస్తున్న వీడియో కాల్‌లో అనేక ఫీచర్లు ఉంటాయని, మొబైల్‌లో ఇతర విషయాలను చూసుకుంటూనే వీడియో కాల్‌లోనూ మాట్లాడుకోవచ్చని తెలిపింది.
