బాలీవుడ్ ప్రేక్షకులకు ఏక్తాకపూర్ మంచి సుపరిచితులు అనే సంగతి తెలిసిందే. బాలీవుడ్ లో సంచలన చిత్రాలు తెరకెక్కించి ఆకట్టుకున్నారు. ఇక ఇప్పుడు టాలీవుడ్ లో కూడా ఏక్తాకపూర్ మాదిరి నిర్మాత దొరికిందని అంత మాట్లాడుకుంటున్నారు. ఇంతకీ ఆ ఏక్తాకపూర్ ఎవరా అనుకుంటున్నారా..ఆమెనే జ్యోతి లక్ష్మి ఫేమ్ ఛార్మి.
13 ఏళ్ల వయసులో హీరోయిన్ గా ఇండస్ట్రీలో అడుగుపెట్టి కొన్నేళ్ల పాటు తన బ్యూటీతో టాలీవుడ్ ను ఊపేసింది. టాలీవుడ్ స్టార్ హీరోలందరితో నటించి స్టార్ హీరోయిన్ గా మారిపోయింది. aa తర్వాత నిర్మాతగా మరి జ్యోతి లక్ష్మీ’ ‘పైసా వసూల్’ వంటి చిత్రాలను నిర్మించి సక్సెస్ ఫుల్ ప్రొడ్యూసర్ అనిపించుకుంది.
రామ్ పోతినేని – పూరీ కాంబినేషన్ లో వచ్చిన ‘ఇస్మార్ట్ శంకర్’ సినిమాతో బ్లాక్ బస్టర్ విజయాన్ని సొంతం చేసుకుంది. ఈ ఇస్మార్ట్ సినిమాతో ఒక్కసారిగా ఇండస్ట్రీలో మాస్ కంటెంట్ ని డిజైన్ చేసే స్ట్రాటజీ ప్లేయర్ అయిపోయింది. ప్రస్తుతం విజయ్ దేవరకొండ – అనన్య పాండే హీరోహీరోయిన్లుగా నటిస్తున్న సినిమాని బాలీవుడ్ బడా ప్రొడ్యూసర్ కరణ్ జోహార్ – పూరీ జగన్నాథ్ లతో కలిసి నిర్మిస్తోంది ఛార్మి. ఇప్పటివరకు టాలీవుడ్ లోనే సినిమాలు నిర్మించిన ఛార్మీ ఇప్పుడు విజయ్ – పూరీ సినిమాతో బాలీవుడ్ మార్కెట్ పై గురి పెడుతోంది. నిజానికి సినీ ఇండస్ట్రీలో లేడీ ప్రొడ్యూసర్స్ అరుదుగా ఉంటారు. అందులోనూ సక్సెస్ అయిన వారు చాలా తక్కువ మందే ఉన్నారు. అలాంటి వారిలో ఛార్మీ ఒకరని చెప్పవచ్చు. అందుకే టాలీవుడ్ ఏక్తాకపూర్ ఛార్మినే అంటున్నారు.