‘ఏజెంట్‌ సాయి శ్రీనివాస ఆత్రేయ’.. . రైల్వేట్రాక్‌ల పక్కన పడి ఉన్న శవాల మిస్టరినీ వినోదాత్మకంగా చూపిస్తూ తెరకెక్కించిన చిత్రమిది. నవీన్‌ పొలిశెట్టి కథానాయకుడిగా నటించిన ఈ సినిమా వివిధ భాషల్లోకి రీమేక్‌ కాబోతోంది. అందులో భాగంగా హిందీలోకి కూడా వెళ్తోంది. దీంతోపాటు జపనీస్‌లోకి డబ్‌ చేస్తున్నట్లు సమాచారం. మరో పది రోజుల్లో ఈ సినిమా రీమేక్‌ విషయంలో ప్రకటన ఉండొచ్చని తెలుస్తోంది. బాలీవుడ్‌లో ఈ తరహా మర్డర్‌ మిస్టరీ సినిమాలకు ఆదరణ ఎక్కువగా ఉండటంతో ఈ సినిమా బీటౌన్‌కు తీసుకెళ్తున్నారట. అలాగే సెప్లెంబరులోగానీ అక్టోబరులోగానీ జపనీస్‌లోకి డబ్‌ చేసి విడుదల చేసేందుకు చిత్ర బృందం సమాయత్తమవుతోంది.