రాజ్యసభ సభ్యులు సంతోష్ కుమార్ చేపట్టిన గ్రీన్ ఇండియా ఛాలెంజ్‌కి మంచి ఆద‌ర‌ణ ల‌భిస్తుంది. ప్రముఖ రాజకీయ నాయ‌కులు, సెల‌బ్రిటీలు, క్రీడా ప్రముఖులు ఇందులో భాగం అవుతున్నారు. ఇప్పటికే పలువురు సినీ , రాజకీయ , క్రీడా , బిజినెస్ ప్రముఖులు ఈ ఛాలెంజ్ లో పాల్గొనగా..తాజాగా ప్రముఖ బ్యాడ్మింటన్ కోచ్ పుల్లెల గోపీచంద్ ఈ ఛాలెంజ్ ను స్వీకరించారు.
అచ్చంపేట ఎమ్మెల్యే ప్రభుత్వ విప్ గువ్వల బాలరాజు ఇచ్చిన చాలెంజ్ ను నేడు గచ్చిబౌలి లోని తన బ్యాడ్మింటన్ అకాడమీ ప్రాంగణంలో మొక్కలు నాటారు గోపీచంద్. ఈ సందర్భంగా గోపిచంద్ మాట్లాడుతూ గ్రీన్ ఇండియా ఛాలెంజ్ వల్ల పచ్చదనం బాగా పెరిగిపోయిందని… ప్రజల్లో కూడా మొక్కలు పెంచుకోవాలనే ఆలోచన వచ్చిందని తెలిపారు. ఇంత మంచి కార్యక్రమాన్ని చేపట్టిన రాజ్యసభ సభ్యులు సంతోష్ గారికి కృతజ్ఞతలు తెలియజేశారు. ఈ సందర్భంగా బ్యాడ్మింటన్ క్రీడాకారులు అయినా సిక్కి రెడ్డి; మేఘన; అరుణ్ విష్ణు లను గ్రీన్ ఇండియా చాలెంజ్ ను స్వీకరించి మొక్కలు నాటాలని పిలుపునిచ్చారు.
