మ్యాచోస్టార్‌ గోపీచంద్ కు ఈ మధ్య ఒక్క హిట్ అనేది కూడా ..హిట్ మాట అటుచ్చి కనీసం పబ్లిసిటీ ఖర్చులు అంత కూడా రాబట్టలేకపోతున్నాయి. ఈ నేపథ్యంలో ప్రస్తుతం చేస్తున్న సిటీమార్ సినిమా ఫైనే ఆశలన్నీ పెట్టుకున్నాడు.
మ్యాచోస్టార్‌ గోపీచంద్..తమన్నా జంటగా సంపత్ నంది డైరెక్షన్లో సీటీమార్ అనే స్పోర్ట్స్ నేపధ్య మూవీ రాబోతున్న సంగతి తెలిసిందే. ఈ మూవీ లో గోపిచంద్ ఆంధ్ర కబడ్డీ జట్టుకు కోచ్ గా వ్యవహరిస్తుండగా.. తమన్నా తెలంగాణ కబడ్డీ జట్టుకు కోచ్ గా వ్యవహరిస్తోంది. ప్రస్తుతం షూటింగ్ దశలో ఉండగా..తాజాగా తేజ డైరెక్షన్లో గోపి ఓ మూవీ కి గ్రీన్ సిగ్నల్ ఇచ్చాడు.
తేజతో చేసిన ‘జయం, నిజం’ చిత్రాలతో ప్రతినాయకుడిగా నిలదొక్కుకున్న గోపీచంద్ ఈ సారి హీరోగా తేజ దర్శకత్వంలో ఓ సినిమా చేసి హిట్ అందుకోవాలని చూస్తున్నాడు. ఇప్పటికే వీరిద్దరి మధ్య కథా చర్చలు కూడా పూర్తయ్యాయి. గోపీచంద్ కోసం తేజ ఓ వైవిధ్యమైన కథను రాశాడని.. పూర్తిగా పాత్ర బలంతో నడిచే ఆ స్క్రిప్ట్ కూడా గోపీచంద్ కి కూడా బాగా నచ్చిందని అంటున్నారు. అయితే ఈ మూవీ లో గోపి సరసన కాజల్ ను ఎంపిక చేసాడట తేజ.
తేజ – కాజల్ కాంబినేషన్లో ఇది హ్యాట్రిక్ మూవీ కానుంది. పీపుల్స్ మీడియా ఫ్యాక్టరీ నిర్మించనున్న ఈ సినిమా ఓ రొమాంటిక్ జోనర్ అని తెలుస్తుంది.
