గత కొంతకాలం గా హిట్ లేని విక్రమ్ ..ప్రస్తుతం అజయ్ జ్ఞానముత్తు దర్శకత్వంలో ‘కోబ్రా’.. ‘The King Cobra has Arrived’ అనే సినిమాలో నటిస్తున్నాడు. ఈ చిత్ర ఫస్ట్ లుక్ ను చిత్ర యూనిట్ విడుదల చేసి ఆసక్తి రేపారు. ఇంతకుముందెన్నడూ కనిపించని సరికొత్త గెటప్స్‌లో ‘కోబ్రా’లో కనిపిస్తున్నాడు చియాన్.
ఇదిలా ఉంటె ఈ చిత్రంలో విక్రమ్ 20 గెటప్పుల్లో కనిపించనట్లు చిత్రవర్గాలు పేర్కొన్నారు. ఇది సైకలాజికల్‌ థ్రిల్లర్‌ జోనర్‌లో రూపొందుతున్న కథా చిత్రం కావడంతో హీరోకు ఇన్ని గెటప్‌లు అవసరం అయ్యాయి అంటున్నారు. దీంతో కోబ్రా చిత్రంపై భారీ అంచనాలు నెలకొన్నాయి. కాగా చిత్రంలోని విక్రమ్ గెటప్‌లు ఒక్కొక్కటీ వరుసగా విడుదల చేయనున్నట్లు చిత్ర వర్గాలు చెప్పారు. 7 స్క్రీన్‌ స్టూడియో పతాకంపై లలిత్‌కుమార్‌ నిర్మిస్తున్న ఈ చిత్రం ఇప్పటికే చాలా వరకు చిత్రీకరణను పూర్తి చేసుకుంది. కాగా, లాక్‌డౌన్‌ తర్వాత మిగిలిన షూటింగ్‌ పూర్తిచేసుకుని త్వరలో విడుదలకు ముస్తాబవుతోంది.