కేజీఎఫ్..ఈ చిత్రం ఎలాంటి సంచలనాలు సృష్టించిందో చెప్పాల్సిన పనిలేదు. కన్నడ చిత్రమైనప్పటికీ అన్ని భాషల్లో డబ్ అయి రికార్డ్స్ బ్రేక్ చేసింది. అక్రమ మైనింగ్‌ నేపథ్యంలో తెర‌కెక్కిన ఈ చిత్రానికి ప్ర‌శాంత్ నీల్ డైరెక్ట్ చేయగా ..యష్ హీరోగా నటించారు. ప్ర‌స్తుతం ఈ చిత్రానికి కొన‌సాగింపుగా చాప్ట‌ర్ 2ని భారీ బ‌డ్జెట్‌తో అత్యంత ప్ర‌తిష్టాత్మ‌కంగా తెర‌కెక్కిస్తున్నారు. ఇందులో బాలీవుడ్ స్టార్ సంజ‌య్ ద‌త్ నెగెటివ్ పాత్ర పోషిస్తున్నాడు. గ‌త ఏడాది జూలై 29న సంజ‌య్ బ‌ర్త్‌డే సంద‌ర్భంగా అధీరా పాత్ర‌కి సంబంధించిన పోస్ట‌ర్ విడుద‌ల చేశారు. ఇక ఈ ఏడాది కూడా ఏదైన స‌ర్‌ప్రైజ్ ఇస్తారేమోన‌ని ఫ్యాన్స్ ఆస‌క్తిగా ఎదురు చూస్తున్నారు.
కేజీఎఫ్ 2 చిత్రంలో య‌శ్‌, సంజ‌య్ ద‌త్‌ల మధ్య ఆస‌క్తిక‌ర పోరు ఒక‌టి ఉండ‌నుంద‌ని .. ఇది ప్రేక్ష‌కుల‌కి మంచి ఫీస్ట్ అందిస్తుంద‌న‌డంలో ఎలాంటి సందేహం లేద‌ని చెబుతున్నారు. వచ్చే నెల‌లో కేజీఎఫ్ చాప్ట‌ర్ 2 షూటింగ్ ప్రారంభం కానున్న‌ట్టు తెలుస్తుండ‌గా, ఇంకో 25 రోజుల షూటింగ్ మిగిలి ఉంద‌ని స‌మాచారం.