మహానటి చిత్రంతో దేశ వ్యాప్తంగా గుర్తింపు తెచ్చుకున్న కీర్తి సురేష్..రీసెంట్ గా పెగ్విన్ చిత్రంతో ఓటిటి ప్రేక్షకులను అలరించింది. ఈ సినిమా లో కీర్తి ఎంతో అద్భుతంగా నటించి అందర్నీ చేత శభాష్ అనిపించుకుంది. ఈ మూవీలో మాస్క్ మ్యాన్ పాత్ర (చార్లీ చాప్లిన్ ) పాత్ర‌ను ముతాజగన్ పోషించాడు. తాజాగా ఈయన మీడియా తో మాట్లాడుతూ సినిమా గురించి, కీర్తి సురేష్ గురించి పలు విషయాలు చెప్పుకొచ్చాడు.
కీర్తి సురేష్‌తో కలిసి పనిచేయడం త‌న‌కు అద్భుతమైన అనుభవం చెప్పిన ముతాజగన్… త‌ను చాలా గొప్ప నటి అని ప్ర‌శంసించాడు. కీర్తి చాలా ఈజ్ తో న‌టిస్తుంద‌ని, ఆమె మ‌నసు కూడా క‌ల్మ‌షం లేనిద‌ని చెప్పుకొచ్చాడు. ఇక పెంగ్విన్ మూవీ చిత్రీక‌ర‌ణ స‌మయంలో ఎదుర్కొన్న ఇబ్బందులు సైతం వెల్ల‌డించాడు. అనేక క‌ష్ట‌న‌ష్టాకోర్చి ఈ షూటింగులో పాల్గొన్నామ‌ని, ప‌లుసార్లు ఎద్దులు, వీధి కుక్కుల, తేనె టీగ‌లు మూవీ యూనిట్ పై దాడి చేశాయ‌ని తెలిపాడు. 100 పైగా తేనె టీగ‌లు త‌నను కుట్టిన‌ట్లు వివ‌రించాడు.