కరోనా వైరస్ కారణంగా వరుసగా సినీ ప్రముఖులు కన్నుమూస్తున్నారు. ఇప్పటికే తెలుగులో నిర్మాత పోకూరి రామారావు మరణించగా…బాలీవుడ్ లో పలువురు చనిపోయారు. ఇంకా ఎంతోమంది నటి నటులు చికిత్స పొందుతుండగా..శనివారం రాత్రి క‌న్న‌డ సీనియర్ నటుడు హులివానా గంగాధరయ్య కరోనా తో కన్నుమూశారు. కొన్ని రోజుల క్రితం ఈయన కు కరోనా సోకడం తో ఆయన్ని బెంగ‌ళూరులోని బీజీఎస్‌ ప్రైవేటు ఆసుప‌త్రిలో చేర్పించారు. అక్కడే చికిత్స తీసుకుంటున్నారు. ఈ క్ర‌మంలోనే గంగాధరయ్య పరిస్థితి విష‌మించ‌డంతో జులై 18 రాత్రి ఆయన ప్రాణాలు విడిచారు. ఆయ‌న‌కు భార్య, ముగ్గురు కూతుళ్లు, ఒక కొడుకు ఉన్నారు.
కన్నడలో దాదాపు 120 సినిమాల్లో నటించారు.. ఇక షోల విషయానికి వస్తే 1500 కు పైగానే ఉన్నాయి. నీర్ దోసె, కురిగాలు స‌ర్ కురిగాలు, శబ్ద‌దేవి సినిమాలు ఆయ‌న‌కు మంచి పేరును తీసుకొచ్చాయి. గంగాధరయ్య మృతితో కన్నడనాట విషాద ఛాయలు నెలకొన్నాయి.