గత కొంతకాలంగా సరైన హిట్ లేక బాధపడుతున్న రాజ్ తరుణ్..ఈమధ్యనే కృష్ణారెడ్డి డైరెక్షన్లో ఇద్దరి లోకం ఒకటే అంటూ వచ్చాడు. కానీ ఈ మూవీ కూడా ప్లాప్ అయ్యి అబిమానులను బాగా నిరాశ పరిచింది. ప్రస్తుతం తరుణ్ ‘గుండె జారి గ‌ల్లంత‌య్యిందే’ సినిమాతో ఇండస్ట్రీ కి పరిచమైన కొండా విజయ్ కుమార్ డైరెక్షన్లో ‘ఒరేయ్.. బుజ్జిగా’ అనే సినిమాపైనే ఆశలన్నీ పెట్టుకున్నాడు. ఈ సినిమా హిట్ కొడితే తప్ప తరుణ్ కు ఇండస్ట్రీ లో భవిష్యత్ లేదంటే అంతే సంగతి.
‘గుండె జారి గ‌ల్లంత‌య్యిందే’ సినిమాతో హిట్ డైరెక్టర్ గా టాలీవుడ్ లోకి ఎంట్రీ ఇచ్చిన కొండా విజయ్ కుమార్ కెరీర్ కి కూడా ఈ సినిమా చాల కీలకం కానుంది. ఈ చిత్రంలో మాళవిక నాయర్ హీరోయిన్ నటిస్తుంటే.. హెబ్బా పటేల్‌, వాణీ విశ్వనాథ్‌, నరేష్‌, పోసాని కృష్ణమురళి ముఖ్యపాత్రలు పోషిస్తున్నారు. శ్రీసత్యసాయి ఆర్ట్స్ అధినేత కె.కె.రాధా మోహ‌న్ ఈ సినిమాని నిర్మిస్తున్నారు. త్వరలో ప్రేక్షకుల ముందుకు రాబోతున్న సందర్భాంగా ఈ చిత్రంలోని సాంగ్స్ ను విడుదల చేసారు.
