బాహుబలి తర్వాత ప్రభాస్ రేంజ్ ఏ స్థాయి కి పెరిగిందో తెలియంది కాదు..బాహుబలి ముందు బాహుబలి తర్వాత అని ప్రభాస్ గురించి అంత మాట్లాడుకోవడం మొదలుపెట్టారు. ప్రస్తుతం వరుస పాన్ ఇండియా మూవీస్ చేస్తూ బిజీ గా ఉన్నాడు. ఓ పక్క సినిమాల్లో బిజీ గా ఉంటూనే..మరోపక్క సోషల్ మీడియా లో యాక్టివ్ గా ఉంటున్నారు. తాజాగా ఓ అరుదైన రికార్డు సొంతం చేసుకున్నాడు.
ప్రముఖ సోషల్ నెట్ వర్కింగ్ సైట్ ఫేస్ బుక్ లోనూ ప్రభాస్ మానియా కొనసాగుతోంది. ఇతర మాధ్యమాలతో పోలిస్తే ఫేస్ బుక్ లో ప్రభాస్ తొలి నుంచి యాక్టివ్ గానే ఉన్నాడు. ఇప్పటికే కోటి 60లక్షల మంది (16 మిలియన్లకు పైగా) ఫాలోవర్లు ఉన్నారు. ఈ మాధ్యమంలో అత్యధిక ఫాలోవర్స్ ఉన్న ఏకైక సౌత్ స్టార్ గా అతడి పేరు చరిత్రకెక్కింది. 16 మిలియన్ల మంది ఫాలోవర్స్ క్లబ్ లోకి ప్రవేశించిన తొలి టాలీవుడ్ నటుడిగా డార్లింగ్ రికార్డులకెక్కాడు.