రామ్ – పూరి కలయికలో జుల్ 18 , 2019 లో వచ్చిన చిత్రం ఇస్మార్ట్ శంకర్. అప్పటివరకు వరుస ప్లాప్స్ తో ఇబ్బంది పడుతున్న రామ్ , పూరి లకు ఈ మూవీ పెద్ద విజయం సాధించి వారికీ ఊపిరి పోసింది. కేవలం వీరికి మాత్రమే కాదు ఈ సినిమాలో పనిచేసిన నటి , నటులకు సాంకేతిక వర్గానికి ఎంతో మేలు చేసింది. తాజాగా ఈ మూవీ ఈరోజు తో ఏడాది పూర్తి చేసుకోవడం తో ఈ సినిమా విశేషాలను సోషల్ మీడియా ద్వారా అంత పంచుకున్నారు.
ఈ సందర్భంగా రామ్, పూరి అభిమానులు ఏడాది ఉత్సవాలు ఏమైనా ఉంటాయేమోనని ఊహించుకుంటున్న సందర్భంలో వారందరికీ చార్మీ క్లారిటీ ఇచ్చింది. ఆమె మాట్లాడుతూ.. ‘‘ఇస్మార్ట్ శంకర్ సెలబ్రేషన్స్ చేయట్లేదు. కారణం ఏమిటో అందరికీ తెలుసు. ప్రస్తుతం ఉన్న పరిస్థితుల్లో సెలబ్రేషన్స్ సాధ్యమయ్యే పని కాదు. ప్రస్తుతం అందరం సెల్ఫ్ క్వారంటైన్‌లో ఉన్నాం. అందుకే అభిమానులందరికీ కరోనా నిబంధనలు పాటిస్తూ.. ఇంటి పట్టునే క్షేమంగా ఉండాలని అభ్యర్థిస్తున్నాను. ఇస్మార్ట్ శంకర్ సక్సెస్ గురించి చెప్పాలంటే.. ఈ విజయం మాకు ఎంతో అవసరం కూడా. ఈ సక్సెస్ కోసం చాలా కాలం వెయిట్ చేశాం. టీమ్ అంతా ఎంతో ఎనర్జీతో పనిచేసి.. ఈ విజయాన్ని అందించారు. ఈ సందర్భంగా టీమ్ అందరికీ నా ధన్యవాదాలు తెలియజేస్తున్నాను..’’ అని తెలిపారు.