ఇలియానా మరో బాలీవుడ్ సినిమాలో కనిపించనుంది. బాలీవుడ్ హీరో అభిషేక్‌ బచ్చన్‌, నటి ఇలియానా జంటగా తెరకెక్కుతున్న చిత్రం ‘ది బిగ్‌ బుల్‌’. ఈ సినిమాకి సంబంధించిన హీరోయిన్‌ ఫస్ట్ లుక్‌ పోస్టర్‌ను చిత్రం బృందం విడుదల చేసింది.
ఈ సందర్భంగా హీరో అభిషేక్‌ బచ్చన్‌ మూవీ ఫస్ట్ లుక్‌ పోస్టర్‌ను తన ట్విటర్‌ ఖాతాలో షేర్‌ చేశారు. ‘ఇది ‘ది బిగ్‌ బుల్‌’ సినిమాలోని ఇలియానా ఫస్ట్ లుక్‌ పోస్టర్‌. భారత దేశ ఆర్థిక వ్యవస్థలోని నేరాలకు పాల్పడిన ఓ వ్యక్తికి సంబంధించిన కథాంశంతో తెరకెక్కుతున్న క్రైం డ్రామా చిత్రం. త్వరలో ఈ చిత్రం డిస్నీ హాట్ స్టార్‌లో విడుదల కానుంది’ అని క్యాప్షన్‌ జత చేశారు.
