దర్శక ధీరుడు రాజమౌళి ప్రస్తుతం ఆర్ఆర్ఆర్ సినిమా చేస్తున్న సంగతి తెలిసిందే. ఎన్టీఆర్ , రామ్ చరణ్ హీరోలుగా నటిస్తుండగా ..బాలీవుడ్ భామ అలియా , అజయ్ దేవగన్ తో పాటు కోలీవుడ్ నటుడు సముద్రఖని , హాలీవుడ్ ప్రముఖ నటి నటులు నటిస్తుండడం తో వరల్డ్ వైడ్ గా ఈ మూవీ ఫై ఆసక్తి నెలకొని ఉంది. చరణ్ ‘మన్నెం దొర అల్లూరి సీతారామరాజు’గా కనిపిస్తుండగా తారక్ ‘కొమరం భీమ్’ పాత్రలో నటిస్తున్న సంగతి తెలిసిందే. పాన్ ఇండియా లెవెల్లో రూపొందుతున్న ఈ చిత్రాన్ని భారీ బడ్జెట్ తో ప్రొడ్యూసర్ డీవీవీ దానయ్య ప్రతిష్టాత్మకంగా నిర్మిస్తున్నారు.
కాగా కొన్ని రోజుల క్రితం ఈ చిత్ర టెస్ట్ షూట్ చేసి ఆపేసారు. దీనికి కారణం అదే అంటూ పలు వార్తలు ప్రచారం కాగా..తాజాగా అసలు నిజం ఏంటి అనేది చిత్రానికి సినెమాఫోటో గ్రాఫర్ గా పనిచేస్తున్న సింథిల్ తెలిపారు. లాక్ డౌన్ కి ముందు ఆర్ ఆర్ ఆర్ షూట్ లో కనీసం 500 నుండి 600 మంది సిబ్బంది పాల్గొనేవారు. ప్రభుత్వ నిబంధనల ప్రకారం దాన్ని 50 నుండి 60 తగ్గించాల్సి వచ్చింది. అయినా ప్రయత్నించి చూద్దాం అని టెస్ట్ షూట్ చేయాలని అనుకున్నాం. కానీ కరోనా కేసులు విపరీతంగా పెరిగిపోవడంతో టెస్ట్ షూట్ చేయాలన్న నిర్ణయం వెనక్కి తీసుకోవడం జరిగింది అన్నారు.