ప్రభాస్ ఇప్పటికే రాధే శ్యామ్ చిత్రం చేస్తుండగా..మహానటి ఫేమ్ నాగ్ అశ్విన్ కు ఓ మూవీ గ్రీన్ సిగ్నల్ ఇచ్చాడు. ఇప్పుడు ఓం రౌత్ దర్శకత్వంలో ‘ఆదిపురుష్’ అనే సినిమా చేస్తున్నట్లు ఫస్ట్ లుక్ రిలీజ్ చేసి షాక్ ఇచ్చాడు. హిందీ, తెలుగు, తమిళ, కన్నడ, మలయాళం భాషల్లో తెరకెక్కనున్న ఈ సినిమాను గుల్షన్ కుమార్ మరియు టి సిరీస్ వారు సంయుక్తంగా నిర్మిస్తున్నారు.
ఈ సినిమా ఫస్ట్ లుక్ వచ్చినప్పటి నుండి మీడియా లో అనేక వార్తలు వైరల్ అవుతున్నాయి. ఆదిపురుష్ టీమ్ వారు ఈ చిత్రాన్ని 2021లో పట్టాలెక్కించి 2022 లోనే తీసుకొచ్చేస్తాం అని చెపుతున్నారు. మరి ఇది ఎలా సాధ్యపడుతుంది అనేది అందరిలో మెలుగుతున్న ప్రశ్న . ఇప్పటికీ రాధే శ్యామ్ షూటింగ్ పూర్తి కాలేదు. ప్రస్తుతం ఉన్న పరిస్థితుల్లో ఎప్పుడు మొదలవుతుందో కూడా అర్ధం కానీ పరిస్థితి. మరి ఇలాంటి తరుణంలో ఆదిపురుష్ ను ఎలా పూర్తి చేస్తారనేది ప్రశ్న గా మారింది.
