మెగాస్టార్ చిరంజీవి – కొరటాల శివ కలయికలో ఆచార్య మూవీ తెరకెక్కుతున్న సంగతి తెలిసిందే. ప్రస్తుతం లాక్ డౌన్ కారణంగా చిత్ర షూటింగ్ కు బ్రేక్ పడింది. ఈ నేపథ్యంలో సినిమా తాలూకా అనేక విషయాలు బయటకొస్తూ సినిమా ఫై అంచనాలు పెంచేస్తున్నాయి.
ఈ మూవీ లో రాష్ట్రంలోని దేవాలయాలు మరియు అనేక ఇతర మతపరమైన కార్యకలాపాలకు సంబంధించిన ఎండోమెంట్స్ విభాగానికి చెందిన ప్రభుత్వ ఉద్యోగిగా మెగాస్టార్ చిరంజీవి కనిపిస్తారని గతంలో వార్తలు వచ్చాయి. కాగా ఈ చిత్రంలో నలుగురు హాట్ భామలు నటిస్తున్నట్లు వార్తలు చక్కర్లు కొడుతున్నాయి. కాజల్ ప్రధాన నాయిక కాగా రెజీనా స్పెషల్ నెంబర్ లో నర్తిస్తుంది. ఇందులో స్పెషల్ రోల్ పోషిస్తున్న రామ్ చరణ్ కి నాయికగా కియరా అద్వాణీని సంప్రదించారని తెలుస్తోంది. కియారా అద్వానీ అతిథి పాత్రలో మాత్రమే కనిపిస్తుంది.
ఇక ఇదే సినిమాలో మరో కీలకమైన పాత్ర ఉంటుందని.. అది సినిమా గతిని మారుస్తుందని కూడా గుసగుసలు వినిపిస్తున్నాయి. మిల్కీ బ్యూటీ తమన్నా ఆ ప్రత్యేక పాత్రను పోషిస్తోంది. కాబట్టి ఆచార్యలో నలుగురు హీరోయిన్లు ఖాయమైనట్టేనని భావిస్తున్నారు.
