మొత్తానికి అల్లు అర్జున్ – కొరటాల శివ కలయికలో మూవీ ఖరారు అయ్యింది. అల వైకుంఠపురం లో సూపర్ హిట్ అందుకున్న అల్లు అర్జున్ ..ప్రస్తుతం సుకుమార్ డైరెక్షన్లో పాన్ ఇండియా మూవీ చేస్తున్నాడు. మైత్రి మూవీ మేకర్స్ నిర్మాణంలో రష్మిక హీరోయిన్ గా నటిస్తుంది. లాక్ డౌన్ కారణంగా ఈ చిత్ర షూటింగ్ కు బ్రేక్ పడింది.
ఈ సినిమా సెట్స్ ఫై ఉండగానే తాజాగా కొరటాల శివ డైరెక్షన్లో సినిమా చేసేందుకు ఓకే చెప్పాడు. దీనికి సంబందించిన అధికారిక ప్రకటన కూడా వచ్చింది. ఈ మూవీకి కారణజన్ముడు అనే టైటిల్ కూడా అనుకుంటున్నట్లు ప్రచారం జరుగుతుంది. కొరటాల హిట్ ట్రాక్ గురించి తెలిసిన వాళ్లు బన్నీ ఖాతాలో మరో బ్లాక్ బస్టర్ వచ్చి చేరినట్లే అంటున్నారు. ఈ మూవీ వచ్చే ఏడాది సెట్స్ పైకి వెళ్లనుండగా, 2022 ప్రారంభంలో విడుదల చేస్తాం అని ప్రకటించారు.
