టైటిల్ : జక్కన్న (2016)
స్టార్ కాస్ట్ : సునీల్ , మన్నార్ చోప్రా, సప్త గిరి , పృద్వి
డైరెక్టర్ : వంశీ కృష్ణ ఆకెళ్ళ
ప్రొడ్యూసర్స్ : ఆర్పీఏ క్రియేషన్స్
మ్యూజిక్ : దినేష్
విడుదల తేది : 29 జూలై, 2016
తెలుగు మిర్చి రేటింగ్ : 2.75/5
రివ్యూ : జక్కన్న – నిలబెట్టుకున్నాడు
కమెడియన్ గా మంచి పొజిషన్ లో ఉన్నప్పుడు హీరో గా ఎంట్రీ ఇచ్చి సక్సెస్ అందుకున్న సునీల్ , ఆ తర్వాత వరుస డిజాస్టర్ లతో సతమతం అవుతున్నాడు. ఈ నేపథ్యం లో తనకు ఓ మంచి హిట్ ఇచ్చిన రాజమౌళి పేరు పెట్టుకొని ఈరోజు ప్రేక్షకుల ముందుకు జక్కన్న గా వచ్చాడు. వంశీ కృష్ణ ఆకెళ్ళ దర్శకత్వం లో ప్రేమ కథ చిత్రం వంటి సూపర్ హిట్ ఇచ్చిన ఆర్పీఏ క్రియేషన్స్ బ్యానర్ లో ఈ సినిమా తెరకెక్కింది. సునీల్ కు జత గా మన్నార్ చోప్రా నటించింది. మరి ఈ చిత్రమైన సునీల్ ను గట్టెక్కించిందా లేదా అనేది ఇప్పుడు చూద్దాం..
కథ:
మధ్య తరగతి కుటుంబానికి చెందిన వ్యక్తి గణేష్ (సునీల్ ). ఇతనికి హెల్ప్ చేసినవారికి తిరిగి హెల్ప్ చేస్తుంటాడు. ఈ క్రమం లో వైజాగ్ సిటీకి డాన్ అయినా భైరాగి , గణేష్ చిన్నతనం లో హెల్ప్ చేస్తాడు. దీంతో అతడిని కలవడానికి వైజాగ్ వెళ్ళతాడు. అతడో పెద్ద రౌడీ అని తెలుసుకొని అతడిని మార్చే ప్రయత్నం చేస్తాడు. ఈ లోపు భైరాగి చెల్లెలు సహస్ర (మన్నారా చోప్రా) గణేష్ ని లవ్ చేయడం మొదలు పెడుతుంది. మరి భైరాగి మారతాడా..? సహస్ర ప్రేమకు ఒకే చెపుతాడా ..? అనేది మిగతా స్టోరీ.
ప్లస్ :
సునీల్
సప్తగిరి & పృథ్వీ కామెడీ ట్రాక్
క్లైమాక్స్
స్క్రీన్ప్లే
మైనస్ :
కధలో డ్రాగింగ్
ఊహించగలిగిన కథ
మ్యూజిక్
న‌టీన‌టుల పెర్పామెన్స్ :
మరోసారి సునీల్ తనదయిన కామెడీ & యాక్షన్ తో ప్రేక్షకులను ఆకట్టుకున్నాడు. ఇక డాన్స్ లలో మరో సారి చిరును తలపించాడు. అలాగే మన్నార్ చోప్రా తన అందచందాలతో ఆకట్టుకుంది. మొదటిసినిమా కావడం తో కాస్త నటనలో అక్కడక్కడా తడబడింది. సప్తగిరి . 30 ఇయర్స్ పృద్వి ఇద్దరు థియేటర్ లో నవ్వులు పూయించారు. వీరి కామెడీ సినిమా కు మరింత హెల్ప్ అయ్యింది. విలన్‌గా నటించిన కబీర్ సింగ్ కూడా బాగానే నటించాడు.
సాంకేతిక విభాగం :
రక్ష చిత్రం తో భయపెట్టిన వంశీ కృష్ణ ఆకెళ్ళ , జక్కన్న లో మాత్రం కామెడీ తో అందరిని ఆకట్టుకున్నాడు. అక్కడక్కడ కాస్త కథ డ్రాగ్ అయినా కానీ ప్రేక్షకులను 2: 30 గంటలు థియేటర్ లో కూర్చుపెట్టడం లో సక్సెస్ అయ్యాడు. దినేష్ మ్యూజిక్ పెద్దగా ఆకట్టుకోలేక పోయింది. సి. రాం ప్రసాద్ అందించిన సినిమాటోగ్రాఫర్ బాగుంది. ఆర్పీఏ క్రియేషన్స్ వారి ప్రొడక్షన్ వ్యాల్యూస్ బాగున్నాయి
చివరిగా :
ఓవరాల్ గా సునీల్ మళ్లీ గాడిలో పడతాడు అని జక్కన్న తో చెప్పచ్చు. గత వారం కబాలి తో డిస్పాయింట్ అయినా ప్రేక్షకులు జక్కన్న తో హ్యాపీ కావొచ్చు. టైం పాస్ కామెడీ ఫామిలీ ఎంటర్టైనర్ ఎంచుకొని సునీల్ హిట్ కొట్టాడు.