జొమాటో సీఈవో దీపిందర్‌ గోయల్‌ డెలివరీ బాయ్‌ అవతారం ఎత్తారు. విధుల్లో ఉన్న సమయంలో తన డెలివరీ ఏజెంట్లకు ఎదురవుతోన్న ఇబ్బందికర పరిస్థితుల్ని తెలుసుకునేందుకు భార్య గ్రేసియా మనోజ్‌ తో కలిసి డెలివరీ ఏజెంట్‌గా విధులు నిర్వర్తించారు. ఈ క్రమంలో ఆయనకు ఓ చేదు అనుభవం ఎదురైంది. ఆర్డర్‌ కలెక్ట్‌ చేసుకునేందుకు ఓ మాల్‌కు వెళ్లగా.. అక్కడ ఆయన్ని లిఫ్ట్‌లోకి అనుమతించలేదు. తనకు ఎదురైన ఈ అనుభవం గురించి దీపిందర్‌ సోషల్‌ మీడియా ద్వారా పంచుకున్నారు. గురుగ్రామ్‌ లోని ఓ మాల్‌లో హల్దీరామ్స్‌ నుంచి ఆర్డర్‌ కలెక్ట్‌ చేసుకునేందుకు వెళ్లినట్లు తెలిపారు. అయితే అక్కడ లిఫ్ట్‌లోకి తనను అనుమతించలేదని చెప్పారు. మెట్ల మార్గం నుంచే వెళ్లాల్సిందిగా వారు సూచించినట్లు చెప్పారు. దీంతో మూడు అంతస్తులు మెట్లెక్కి వెళ్లారు. ప్రస్తుతం ఈ ట్వీట్‌ వైరల్‌గా మారింది.
