తెలంగాణలో ఉద్యోగ నోటిఫికేషన్లు వెంటనే ప్రకటించాలని కోరుతూ వైఎస్ షర్మిల చేపట్టిన దీక్ష రెండో రోజుకు చేరుకుంది. లోటస్‌పాండ్‌లో వైఎస్ షర్మిల తన దీక్షను కొనసాగిస్తున్నారు. పచ్చి మంచినీళ్లు కూడా ముట్టనని ప్రతినబూనారు. నిరుద్యోగులకు న్యాయం చేయాలి, తెలంగాణ ప్రభుత్వం వెంటనే ఉద్యోగ నోటిఫికేషన్ జారీ చేసి… ఖాళీలను భర్తీ చేయాలని డిమాండ్ చేసారు వైఎస్ షర్మిల. ఉదయాన్నే వైద్య పరీక్షలు చేసిన వైద్యులు, ప్రస్తుతం తన ఆరోగ్య పరిస్థితి నిలకడగా ఉందని తెలిపారు.