ఏపీ ప్రజలు బలంగా కోరుకుంటున్న ప్రత్యేక హోదాను దేశ ప్రధానిగా నెరవేర్చాల్సిన బాధ్య మీపై ఉందంటూ మోడీకి ప్రత్యేక హోదా విషయమై ఒక విజ్ఞప్తి లేఖను కూడా ఇవ్వడం జరిగింది. ఆర్థిక మంత్రి మరియు హోం మంత్రి అమిత్‌ షాలతో కూడా భేటీ అయిన సీఎం జగన్‌ నిన్నంతా బిజీగా గడిపేశాడు. నితిన్‌ గడ్కారిని కలిసిన జగన్‌ కొత్త రహదారుల నిర్మాణం మరియు రోడ్ల విస్తరణకు గ్రాంట్లు విడుదల చేయాలని కూడా గడ్కారిని కోరడం జరిగింది. ప్రత్యేక హోదా విషయమై ఏ ఒక్కరి నుండి కూడా సరైన హామీ మాత్రం వచ్చినట్లుగా లేదు. కేంద్ర మంత్రులను కలిసిన జగన్‌ వెంట ఎంపీలు విజయ్‌ సాయి రెడ్డి మరియు అవినాష్‌ రెడ్డిలు ఉన్నారు.