వరంగల్ జిల్లాలో బుధువారం తెల్లవారు జామున ఘోర రోడ్డు ప్రమాదం జరిగింది. దామెర మండలం పసరగొండ క్రాస్‌ రోడ్‌ వద్ద లారీ డ్రైవర్‌ నిద్రమత్తులో ఎదురుగా వస్తున్న కారును ఢీ కొట్టడం తో కార్ లో ప్రయాణిస్తున్న ఐదుగురు వ్యక్తులు అక్కడిక్కడే మృతి చెందారు. మృతి చెందిన వారు మేకల ప్రవీణ్‌, మేకల రాజేష్‌, మేడి పవన్‌, రోహిత్‌, రహీంలు గుర్తించారు.
సినీ హీరో పవన్‌ కళ్యాణ్‌ పుట్టిన రోజు సందర్భంగా ఓ పార్టీలో పాల్గొని తిరిగి వస్తుండగా ఈ ప్రమాదం చోటుచేసుకుంది. విషయం తెలుసుకున్న పోలీసులు సంఘటనా స్థలానికి చేరుకుని సహాయక చర్యలు చేపట్టారు. కాగా మృతులంతా 22 నుంచి 26 సంవత్సరాల మధ్య వయస్సు కలవారు కావటం గమనార్హం.