ఆంధ్రప్రదేశ్ రాష్ట్రంలో కరోనా కేసులు విపరీతంగా నమోదు అవుతున్న సంగతి తెలిసిందే. విశాఖ నగరంలో ఈ మూడు రోజుల్లో భారీ స్థాయిలో కేసులు పెరగడం విశాఖ వాసులను భయాందోళనకు గురి చేస్తున్నాయి. గత మూడు రోజుల్లో జిల్లాలో 51 మంది ఈ వైరస్‌ బారిన పడ్డారు.
శ్రీహరిపురంలో నలుగురు, కంచరపాలెం, దిబ్బలపాలెం, మధురవాడ, అనకాపల్లిల్లో ఇద్దరేసి చొప్పున, గాజువాక, పరవాడ, సబ్బవరంలో ఒక్కొక్కరికి పాజిటివ్‌ నిర్ధారణ అయ్యింది. మొత్తం మీద జిల్లాలో కరోనా పాజిటివ్‌ల సంఖ్య 179కి చేరింది.