సీపీఐ సీనియర్‌ నేత టీవీ చౌదరి(80) మరణించారు. గత కొంతకాలంగా కిడ్నీ సంబంధిత వ్యాధితో బాధపడుతున్న ఆయన మంగళవారం రాత్రి తన నివాసంలో తుది శ్వాస విడిచినట్లు కుటుంబ సభ్యులు తెలిపారు. చౌదరి మృతిపట్ల సీపీఐ జనరల్‌ సెక్రటరీ సురవరం సుధాకర్‌ రెడ్డి, పువ్వాడ నాగేశ్వరరావు, చాడ వెంకట్‌ రెడ్డితో పాటు పార్టీ శ్రేణులు సంతాపం ప్రకటించారు.
బుధవారం ఉదయం 9:30 గంటలకు సీపీఐ జిల్లా కార్యాలయానికి చౌదరి భౌతికకాయాన్ని తరలించనున్నారు. సీపీఐ నేతలు, కార్యకర్తలు.. నివాళులర్పించనున్నారు.
