గ్రేటర్‌ హైదరాబాద్‌లో రెండు ప్రత్యేక ఆఫర్‌లను TSRTC ప్రకటించింది. మహిళలు, సీనియర్ సిటిజన్ల కోసం ‘టి-6’ ను.. వారాంతాలు, సెలవుల్లో కుటుంబసభ్యులు, స్నేహితుల సౌకర్యార్థం ‘ఎఫ్-24’ టికెట్‌ను అందుబాటులోకి తీసుకువచ్చింది. దీనికి సంబంధించిన పోస్టర్లను ఆర్టీసీ ఎండీ సజ్జనార్ బస్ భవన్‌లో విడుదల చేశారు. ఈ ప్రత్యేకమైన ఆఫర్లు రేపటి నుంచి హైదరాబాద్ ప్రజలకు అందుబాటులోకి వస్తాయి. అయితే ఈ ఆఫర్లు హైదరాబాద్ జీఎచ్ఎంసీ పరిధిలో సిటీ ఆర్డినరీ మరియు మెట్రో ఎక్స్ప్రెస్ లకు వర్తిస్తాయి.
ఇక రూ. 50 రూపాయలతో టీ 6 టికెట్ తీసుకుంటే ఉదయం 10 గంటల నుంచి సాయంత్రం 4 గంటల వరకు ఆరు గంటల పాటు మహిళలు, సీనియర్ సిటిజన్స్ ప్రయాణం చేయవచ్చు. అలాగే రూ. 300 రూపాయల ఎఫ్-24 టికెట్ తో శని, ఆదివారాలతో పాటు పబ్లిక్ హాలిడేస్ లో నలుగురు 24 గంటల పాటు ప్రయాణం చేయవచ్చు. ఇకపోతే టి-24 మాదిరిగానే ఈ టికెట్లను ఆదరించాలని TSRTC యాజమాన్యం కోరుతోంది.
