తెలంగాణలో జూలై 1 నుంచి ఆన్లైన్ తరగతులు నిర్వహిస్తామని విద్యాశాఖా మంత్రి సబితా ఇంద్రారెడ్డి తెలిపారు. టీ శాట్ ద్వారా ఆన్లైన్లో విద్యాబోధన ఉంటుందన్నారు. అదే విధంగా కేజీ టు పీజీ వరకు ఆన్లైన్ తరగతులే ఉంటాయన్న మంత్రి.. డిగ్రీ, పీజీ, డిప్లొమా పరీక్షలు యథాతథంగా నిర్వహిస్తామని స్పష్టం చేశారు. ఇక కామన్ ఎంట్రెన్స్ టెస్ట్ తేదీల్లో ఎలాంటి మార్పులు లేవని సబితా ఇంద్రారెడ్డి ఈ సందర్భంగా వెల్లడించారు.
