తెలంగాణ రాష్ట్రంలో కరోనా ఉదృతి భారీగా తగ్గింది. గడిచిన 24 గంటల్లో కొత్తగా1,432 కొవిడ్‌ పాజిటివ్ కేసులు నమోదయ్యాయి. దీంతో ఇప్పటి వరకు రాష్ట్ర వ్యాప్తంగా నమోదైన కేసుల సంఖ్య 2,17,670కి చేరుకుంది. నిన్న ఒక్క రోజే కరోనా బారినపడి 8 మంది ప్రాణాలను కోల్పోయారు. దీంతో ఇప్పటి వరకు మృతి చెందిన వారి సంఖ్య 1,249కి చేరిందని రాష్ట్ర వైద్య ఆరోగ్యశాఖ తెలిపింది.
ప్ర‌స్తుతం తెలంగాణ‌లో 23,203 యాక్టివ్ కేసులు ఉండ‌గా.. 19,084 మంది హోం ఐసోలేష‌న్‌లోనే ఉన్న‌ట్టు ప్ర‌భుత్వం పేర్కొంది. దేశ‌వ్యాప్తంగా కరోనా డెత్ రేట్ 1.5శాతంగా ఉంటే.. తెలంగాణ‌లో అది 0.57 శాతానికి ప‌డిపోయింది.. రివ‌క‌రీ రేటు దేశ‌వ్యాప్తంగా 87.3 శాతంగా ఉంటే.. అదే రాష్ట్రంలో 88.76 శాతానికి పెరిగిన‌ట్టు ప్ర‌భుత్వం కరోనా బులెటిన్‌లో పేర్కొంది.