తెలంగాణలో కరోనా కేసులు ఎంతగా పెరిగాయంటే..

తెలంగాణ రాష్ట్రంలో కరోనా మహమ్మారి ప్రభావం కనిపిస్తూనే ఉంది. గతంతో పోలిస్తే భారీగా కేసుల సంఖ్య తగ్గినప్పటికీ..పూర్తి స్థాయి లో మాత్రం ఇంకా తగ్గలేదు. ప్రతి జిల్లాలో పదుల సంఖ్యలో కేసులు నమోదు అవుతూనే ఉన్నాయి. గడిచిన 24 గంటల్లో కొత్తగా 1607 కరోనా కేసులు, 6 మరణాలు సంభవించాయి. తెలంగాణలో ఇప్పటి వరకు నమోదైన మొత్తం కరోనా కేసుల సంఖ్య 2,48,891కి చేరగా, మొత్తం మరణాల సంఖ్య 1372గా నమోదైంది. 2,27,583 మంది కోలుకొని డిశ్చార్జ్ కాగా, 19,936 కేసులు ఇంకా యాక్టివ్ గానే ఉన్నాయి.

ఇక జిల్లాల వారీగా కేసులు చూస్తే.. భద్రాద్రి కొత్తగూడెం 124, జగిత్యాల్‌ 42, జనగాం 29, జయశంకర్ భూపాలపల్లి 21, జోగులమ్మ గద్వాల్‌ 9, కామారెడ్డి 30, కరీంనగర్‌ 78, ఖమ్మం 84, కొమరం భీమ్‌ అసిఫాబాద్‌ 14, మహబూబ్‌ నగర్‌ 23, జీహెచ్‌ఎంసీ పరిధిలో 296, ఆదిలాబాద్ 14, మహబూబాబాద్‌ 28, మంచిర్యాల్‌ 30, మెదక్‌ 19, మేడ్చల్ మల్కాజ్‌గిరి 113, ములుగు 37, నాగర్‌ కర్నూల్‌ 43, నల్గొండ 67, నారాయణ్‌పేట్‌ 0, నిర్మల్‌ 16, నిజామాబాద్‌ 23, పెద్దంపల్లి 26, రాజన్న సిరిసిల్ల 30, యాద్రాది భువనగిరి 29 , రంగారెడ్డి 115, సంగారెడ్డి 41, సిద్ధిపేట్‌ 69, సూర్యాపేట 46, వికారాబాద్‌ 16, వనపర్తి 22, వరంగల్‌ రూరల్‌ 25, వరంగల్‌ అర్బన్‌ 48 కేసులు నమోదయ్యాయి.