తెలంగాణ రాష్ట్రంలో కరోనా ఉదృతి ఇంకా కొనసాగుతూనే ఉంది. మొదటి మాదిరిగా కాకపోయినా ప్రతి రోజు వందల్లో కేసులు , పదుల సంఖ్యలో మరణాలు నమోదు అవుతూనే ఉన్నాయి. తాజాగా గడిచిన 24 గంటల్లో రాష్ట్రంలో కొత్తగా 593 కరోనా కేసులు నమోదయ్యాయి. దీంతో తెలంగాణలో మొత్తం ఇప్పటి వరకు 2,69,816 కేసులు నమోదయ్యాయి. ఇందులో 2,58,336 మంది కోలుకొని డిశ్చార్జ్ అయ్యారు. 10,022 కేసులు యాక్టివ్ గా ఉన్నాయి.
ఇక తాజా బులెటిన్ ప్రకారం తెలంగాణలో కరోనాతో ముగ్గురు మృతి చెందారు. దీంతో ఇప్పటి వరకు రాష్ట్రంలో కరోనాతో 1458 మంది మృతి చెందారు. తెలంగాణలో కొత్తగా 1058 మంది కోలుకొని డిశ్చార్జ్ కావడం విశేషం. జీహెచ్‌ఎంసీ పరిధిలో తాజాగా 119 కోవిడ్ కేసులు వెలుగుచూశాయి. రంగారెడ్డి జిల్లాలో 61 మేడ్చల్‌ జిల్లాలో 55 కేసులు నమోదయ్యాయి.