తెలంగాణ రాష్ట్రంలో కరోనా కేసుల సంఖ్య పెరుగుతూ ..తగ్గుతున్నాయి. ఓ రోజు కేసుల సంఖ్య తగ్గితే మరో రోజు విపరీతం అవుతున్నాయి . ఇక మంగళవారం మరోసారి రాష్ట్ర వ్యాప్తంగా కేసుల సంఖ్య పెరిగాయి. గడిచిన 24 గంటల్లో కొత్తగా 1,682 కొవిడ్ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 93,937 కి చేరింది.
గత 24 గంటల్లో అత్యధికంగా హైదరాబాద్ 235 , రంగారెడ్డి లో 166 , మేడ్చల్లో 106 కేసులు నమోదయ్యాయి. ఆ తర్వాత వరంగల్ అర్బన్ జిల్లాలో 107 కేసులు నిర్దార‌ణ అయ్యాయి. ఇక గడిచిన 24 గంటల వ్యవధిలో 19,579 మందికి కొవిడ్ -19 పరీక్షలు చేయగా, ఇప్పటి వరకు 7,72,928 మందికి టెస్టులు చేసినట్లు పేర్కొంది. ప్రస్తుతం తెలంగాణలో కరోనా డెత్ రేటు 0.75 శాతంగా ఉంది. దేశంలో ఇది 1.92 శాతంగా ఉందని గవ‌ర్న‌మెంట్ తెలిపింది. ప్రస్తుతం యాక్టీవ్ కేసులు 21,024 ఉండగా ..ఇప్పటివరకు కరోనా వ‌ల్ల చ‌నిపోయినావ‌రు 711 మందికి చేరారు.
