తెలంగాణ రాష్ట్రంలో కరోనా ఉదృతి పెరుగుతూ, తగ్గుతూ వస్తుంది. నిన్న కాస్త తగ్గినట్లు అనిపించినప్పటికీ ఈరోజు తెలిపిన బులిటిన్ లో మళ్లీ పెరిగినట్లు అనిపించింది. గడిచిన 24 గంటల్లో రాష్ట్రంలో 1,949 కొత్త కేసులు నమోదు కాగా, 10 మంది మృతి చెందారు. దీంతో పాజిటివ్ కేసుల సంఖ్య 1,99,276 కు చేరగా , మృతుల సంఖ్య 1,163 చేరింది.
ఇక కరోనా నుంచి తాజాగా 2,366 మంది డిశ్చార్జ్‌ కాగా.. కోలుకున్న వారి సంఖ్య 1,70,212 కు చేరింది. ప్రస్తుతం తెలంగాణలో 27,901 యాక్టివ్ కేసులు ఉన్నాయి. ఇక జిల్లావారీగా కేసులు చూస్తే.. ఆదిలాబాద్ 24, భద్రాద్రి కొత్తగూడెం 71, జగిత్యాల్‌ 45, జనగాం 31, జయశంకర్ భూపాలపల్లి 24, జోగులమ్మ గద్వాల్‌ 22, కామారెడ్డి 56, కరీంనగర్‌ 114, ఖమ్మం 85, కొమరం భీమ్‌ అసిఫాబాద్‌ 16, మహబూబ్‌ నగర్‌ 31, మహబూబాబాద్‌ 36, మంచిర్యాల్‌ 30, మెదక్‌ 29, మేడ్చల్ మల్కాజ్‌గిరి 150, జీహెచ్‌ఎంసీ పరిధిలో 291, ములుగు 28, నాగర్‌ కర్నూల్‌ 28, నల్గొండ 124, నారాయణ్‌పేట్‌ 6, నిర్మల్‌ 25, నిజామాబాద్‌ 66, పెద్దంపల్లి 43, రాజన్న సిరిసిల్ల 55, రంగారెడ్డి 156, సంగారెడ్డి 42, సిద్ధిపేట్‌ 76, సూర్యాపేట 65, వికారాబాద్‌ 26, వనపర్తి 25, వరంగల్‌ రూరల్‌ 32, వరంగల్‌ అర్బన్‌ 63, యాద్రాది భువనగిరి 34 కేసులు నమోదయ్యాయి.