దేశం లో కరోనా మళ్ళీ విజృంభిస్తుంది. తెలంగాణ రాష్ట్రంలో గత 24 గంటల్లో రాష్ట్రవ్యాప్తంగా కొత్తగా 8126 కరోనా కేసులు నమోదయ్యాయి. దీంతో తెలంగాణలో ఇప్పటి వరకు మొత్తం 3,95,232 కేసులు నమోదు కాగా, ఇందులో 3,30,304 మంది కోలుకొని డిశ్చార్జ్ అయ్యారు. 62,929 కేసులు యాక్టివ్ గా ఉన్నాయి. తాజా బులెటిన్ ప్రకారం తెలంగాణలో గత 24 గంటల్లో కరోనాతో 38 మంది మృతి చెందారు. దీంతో ఇప్పటి వరకు నమోదైన మొత్తం కరోనా మరణాల సంఖ్య 1999 కి చేరింది. తెలంగాణ లో ఈ రోజు 3307 మంది డిశ్చార్జ్ అయ్యారని ప్రకటనలో తెలిపారు. ఈ రోజు GHMC పరిధిలో లో 1259 , మేడ్చల్ మల్కాజ్గిరి లో 676, రంగారెడ్డి లో 591,నిజామాబాదు లో 497 లలో అత్యధికంగా కేసులు బయటపడ్డాయి.
