తెలంగాణ రాష్ట్రంలో కరోనా మహమ్మారి వీరంగం సృష్టిస్తుంది. రోజు రోజుకు కేసులు విపరీతంగా పెరుగుతున్నాయి. నిన్న ఒక్క రోజే రాష్ట్ర వ్యాప్తంగా 1892 కేసులు నమోదు అయ్యి రికార్డు సృష్టించాయి. శుక్రవారం నమోదైన కేసుల్లో జీహెచ్‌ఎంసీ పరిధిలో 1658 కేసులు ఉన్నాయి. రంగారెడ్డి జిల్లాలో 56, మేడ్చల్ జిల్లాలో 44, వరంగల్ రూరల్ జిల్లాలో 41, సంగారెడ్డి జిల్లాలో 20, మహబూబ్‌నగర్ జిల్లాలో 12 కేసులు నమోదైనట్లు వైద్య, ఆరోగ్య శాఖ శుక్రవారం రాత్రి విడుదల చేసిన హెల్త్ బులెటిన్‌లో తెలిపారు.
శుక్రవారం కేసులతో కలిపి రాష్ట్రంలో కేసుల సంఖ్య 20 వేల మార్క్ దాటింది. కొవిడ్-19 కారణంగా రాష్ట్రంలో మరో 8 మంది మరణించారు. రాష్ట్రంలో మొత్తం కేసుల సంఖ్య 20,462కు ఎగబాకగా.. కొవిడ్ మరణాల సంఖ్య 283కు చేరింది.
