తమిళనాడులో రజినీకాంత్‌ను వాడుకుని అధికారంలోకి రావాలనుకుంటున్న బీజేపీ తెలంగాణలో మాత్రం టీఆర్‌ఎస్‌ పార్టీని తొక్కేసి అధికారంలోకి వచ్చే ప్రయత్నాలు చేస్తోంది. తాజాగా బీజేపీ వర్కింగ్‌ ప్రెసిడెంట్‌ జేపీ నడ్డా తెలంగాణలో పర్యటించారు. ఈ సందర్బంగా ఆయన మాట్లాడుతూ కేసీఆర్‌పై తీవ్ర విమర్శలు చేశాడు. అదే సమయంలో టీఆర్‌ఎస్‌ పార్టీ నాయకులు పలువురు బీజేపీలో జాయిన్‌ కాబోతున్నట్లుగా ప్రకటించాడు. ఎమ్మెల్యేలు, ఎంపీలతో పాటు ఎమ్మెల్సీలు, కీలక నాయకులు కూడా బీజేపీలో చేరనున్నట్లుగా ఆయన ప్రకటించాడు. టీఆర్‌ఎస్‌కు కీలకమైన హరీష్‌ రావును బీజేపీ లాగేందుకు విశ్వ ప్రయత్నాలు చేస్తున్నట్లుగా గుసగుసలు వినిపిస్తున్నాయి.