తెలంగాణ రాష్ట్రంలో కరోనా వైరస్ విలయతాండవం చేస్తున్న సంగతి తెలిసిందే. తాజాగా ఢిల్లీ మత ప్రార్థనలకు వెళ్లొచ్చిన వారి మూలంగా కరోనా కేసులు మరింత అవుతున్నాయి. ఇప్పటికే ఢిల్లీ వచ్చిన వారికీ కరోనా సోకి చనిపోగా..ఇంకా భారీ సంఖ్య లో ఢిల్లీ వెళ్లి వచ్చిన వారు ఉన్నారని రిపోర్ట్ లో తేలింది.
ఇక ఇప్పుడు తెలంగాణ తాత్కాలిక సచివాలయం లో కూడా కరోనా సోకినట్లు వార్తలు వినిపిస్తున్నాయి. తెలంగాణ సచివాలయంలో పని చేసే ఓ ఉద్యోగి కూడా ఈ ప్రార్థనల్లో పాల్గొని వచ్చారనే ప్రచారం ఉద్యోగ వర్గాల్లో కలవరం రేపుతోంది. సదరు ఉద్యోగి నిన్నటి వరకు సచివాలయంలోనే విధులకు హాజరయ్యారని సమాచారం. ఐఏఎస్‌లతో పాటు ఇతర ఉద్యోగులు పాల్గొన్న అన్ని సమావేశాలకు ఆ ఉద్యోగి హాజరయ్యారనే వార్తలు మొదలయ్యాయి. దీంతో సచివాలయ ఉద్యోగులను అధికారులు మధ్యాహ్నమే ఇంటికి పంపినట్టు తెలుస్తోంది.