Telangana Elections 2023 : తెలంగాణలో ముగిసిన పోలింగ్.. ఎగ్జిట్ పోల్స్ లెక్క ఇదే..

తెలంగాణలో అసెంబ్లీ ఎన్నికలు చెదురుముదురు ఘటనలు మినహా ప్రశాంతంగా ముగిశాయి. ఉదయం 7 గంటలకు ప్రారంభమైన పోలింగ్‌ సాయంత్రం 5 గంటల వరకు కొనసాగింది. 5 గంటల లోపు క్యూలో నిలబడిన వారికి ఓటుహక్కును వినియోగించుకునేందుకు ఎన్నికల అధికారులు అవకాశం కల్పించారు. సాయంత్రం 5 గంటల వరకు రాష్ట్రంలో 63.94 శాతం ఓటింగ్ నమోదైంది. అనంతరం వెలువడిన ఎగ్జిట్‌ పోల్స్‌లో కాంగ్రెస్ ఎక్కువ స్థానాలను కైవసం చేసుకుంటుందని పలు సంస్థలు పేర్కొన్నాయి. ఎగ్జిట్‌ పోల్స్ ఇలా ఉంటే.. ఫలితాలు తేలాలంటే డిసెంబర్‌ 3 వరకు ఆగాల్సిందే.