విద్యార్థులకు సరైన విద్యను అందిస్తే.. ప్రపంచాన్ని శాసించే స్ధాయికి చేరతారని ముఖ్యమంత్రి చంద్రబాబు అన్నారు. గుంటూరు జిల్లాలో గురూత్సవ్ లో చంద్రబాబు పాల్గొన్నారు. తన గురువులైన మునిరెడ్డి, లక్ష్మణ్ రెడ్డిలను బాబు ఘనంగా సన్మానించారు. ఈ సందర్భంగా ఆయన మాట్లాడుతూ.. విద్యలో ఆంధ్రప్రదేశ్ మిగతా రాష్ట్రాల కన్నా ముందందని గుర్తు చేశారు. ఐదేళ్లలో రాష్ట్రంలో నూరు శాతం అక్షరాస్యత సాధించేలా ఉపాధ్యాయులు పనిచేయాలని సూచించారు. మంత్రులు గంటా శ్రీనివాసరావు, రావెల కిశోర్‌బాబు, నరసరావుపేట ఎంపీ రాయపాటి సాంబశివరావు తదితరులు ఈ వేడుకలకు పాల్గొన్నారు.