ఏపీ డీజీపీ సాంభశివరావును పలువురు టీడీపీ నాయకులు కలవడం జరిగింది. ఈ సందర్బంగా వారు డీజీపీకి చంద్రబాబు నాయుడును ఉద్దేశించి జగన్‌ చేసిన వ్యాఖ్యలను వివరించడం జరిగింది. గత కొన్ని రోజులుగా జగన్‌ వ్యవహరిస్తున్న తీరును కూడా టీడీపీ నాయకులు డీజీపికి తెలియజేశారు. చంద్రబాబు నాయుడు గారికి వైకాపా అధినేత వైఎస్‌ జగన్‌ నుండి ప్రాణహాని ఉందని, అందుకే సీఎం గారికి ఎక్కువ భద్రత కల్పించడంతో పాటు, ఆయన్ను హద్దుల్లో ఉంచాల్సిందిగా తెలుగుదేశం యువ నేత అవినాష్‌ పేర్కొన్నారు.
వైఎస్‌ జగన్‌ చేసిన విమర్శలకు తెలుగు దేశం నాయకులు తీవ్ర స్థాయిలో స్పందిస్తున్నారు. జగన్‌పై మూకుమ్మడి దాడికి టీడీపీ నాయకు ప్రయత్నాలు చేస్తున్నారు. అందులో భాగంగానే డీజీపీకి ఫిర్యాదు చేయడం జరిగింది.