ఎగువ ప్రాంతాల్లో భారీగా కురుస్తున్న వర్షాల వల్ల నిజామాబాదు జిల్లాలోని శ్రీరాంసాగర్ ప్రాజెక్టులోకి భారీగా వస్తున్న వరద నీటి వలన, ప్రాజెక్టు పూర్తిస్థాయి నీటి మట్టానికి చేరడంతో ప్రాజెక్టు చెందిన 32 గేట్లు ఎత్తి 2,50,000 క్యూసెక్కుల నీటిని విడుదల చేస్తున్నారు. ఈ క్రమంలో గోదావరి పరీవాహక ప్రాంతాల ప్రజలు అప్రమత్తంగా ఉండాలని అధికారులు హెచ్చరించారు. ప్రస్తుతం ప్రాజెక్టులోకి 4,32,325 క్యూసెక్కుల ఇన్‌ఫ్లో వస్తున్నది. ప్రాజెక్టు గరిష్ఠ నీటిమట్టం 1,091 అడుగులు కాగా.. ప్రస్తుత నీటిమట్టం 1090 అడుగులుగా ఉన్నది.