ఆంధ్రప్రదేశ్ లో ఈ నెల 8వ తేదిన జరగనున్న ఎంపిటిసి, జెడ్పిటిసి ఎన్నికల పోలింగ్ విశాఖపట్నం జిల్లాలో పాడేరు ఏజెన్సీ పరిధిలోని 11 మండలాలలో ఉదయం 7గంటల నుండి మధ్యాహ్నం 2గంటల వరకు జరుగుతుందని జిల్లా కలెక్టర్ వి.వినయ్ చంద్ ఒక ప్రకటనలో తెలిపారు. ఈ మండలాలలో శాంతి భద్రతల దృష్ట్యా పోలింగ్ ముగింపు సమయాన్ని సాయంత్రం 5గంటల నుంచి మధ్యాహ్నం 2గంటల వరకు తగ్గిస్తూ రాష్ట్ర ఎన్నికల కమిషనర్ ఉత్తర్వులు జారీ చేసారు.
