కరోనా వైరస్ కారణంగా దేశ వ్యాప్తంగా విద్యా సంస్థలు బంద్ అయ్యాయి. గత మూడు నెలలుగా స్కూల్స్ బంద్ కావడం ..ఎప్పుడు తెరుచుకుంటాయో తెలియని పరిస్థితి లో ఉండడం తో విద్యార్థులు తల్లిదండ్రులు అయోమయానైకి గురి అవుతున్నారు. ఈ నేపథ్యంలో తెలంగాణ రాష్ట్ర సర్కార్ ఆచితూచి అడుగులేస్తోంది. సాధారణంగా 2020-21 విద్యా సంవత్సరం జూన్ రెండో వారంలో ప్రారంభం కావాల్సి ఉంది. ప్రస్తుతం లాక్ డౌన్ వల్ల ఆ పరిస్థితి కనిపించడం లేదు. ఈ క్రమంలో పరిస్థితులను బట్టి కాస్త ఆలస్యంగానే పాఠశాలలను దశలవారీగా తెరవాలని ప్రభుత్వం నిర్ణయించింది.
ఇందులోభాగంగా జులై 5 వరకు పదో తరగతి పరీక్షలు ఉన్న వేళ ఆ తర్వాతే స్కూళ్లను తిరిగి తెరవాలని భావిస్తున్నారు. దీనిపై ఉపాధ్యాయ ఎమ్మెల్సీలతో విద్యాశాఖ మంత్రి సబితా ఇంద్రారెడ్డి త్వరలో సమావేశం నిర్ణయించనున్నారు. దశల వారీగా తెరవడంలోనూ మొదటగా 8, 9, 10 తరగతులు ప్రారంభించాలని భావిస్తున్నారు.