“మనదేశ ప్రధాని అయ్యేందుకు సోనియాగాంధి కి అవకాశం వచ్చింది. అప్పట్లో ప్రజలనుంచి తీవ్ర వ్యతిరేకత రావటంతో ఆమె తప్పుకున్నారు. ఈ కోపం ఆమె మనసులో వుంది. ఆ కోపం మనసులో ఉంచుకుని మన దేశాన్ని ముక్కలు ముక్కలు చేస్తున్నారు. తెలంగాణా నాయకులు దారుణాలకు ఒడిగడుతున్నారు. ప్రజల్లో విష బీజాలు నాటుతున్నారు. చంద్రసేఖరన్నా… మమ్మల్ని కర్రీ పాయింట్లు పెట్టుకొమ్మంటున్నావు. కర్రీ పాయింట్లు అంత తేలికా ? నీ భార్య వండుతున్న కూరలు నువ్వు తినడం లేదా ? చింతచెట్టు చిగురు చూడు… ఆంధ్రా అమ్మాయి పొగరుచూడు… అంటూ గోడల మీద రాయించావు…ఇదేనా నీ సంస్కారం ? బతుకమ్మ అంటే అందరికీ బతుకును ఇచ్చే అమ్మ అని అర్ధం… కానీ నీ కుమార్తె ఆ అమ్మను కూడా తెలంగాణా చట్రంలో పెట్టి ఒక ప్రాంతానికి చెందిన దేవతగా తయారుచేసింది. ఎంత పాపం ? కోదండరాం గారూ… మీ పేరులో రాముడిని పెట్టుకుని విద్యార్ధుల మనస్సుల్లో విష బీజాలు నాటుతున్నారు. ఒక ఉపాధ్యాయుడిగా మీలో సంస్కృతి, సంప్రదాయాలు ఏమై పోయాయి ? ” అంటూ సాగిన సత్యవాణి ప్రసంగం ఆద్యంతం అందరిని ఆకట్టుకోవటమే కాక ఆలోచనలో సైతం పడేసింది.