తెలంగాణ ముఖ్యమంత్రి కేసీఆర్ ఫై నిప్పులు చెరిగారు బిజెపి రాష్ట్ర అధ్యక్షుడు బండి సంజయ్. ఖమ్మం వేదికగా టీఆర్ఎస్ ప్రభుత్వం పై మండిపడ్డాడు. సీఎం కేసీఆర్ ఫాంహౌస్‌లో పడుకుంటే.. యశోద ఆస్పత్రి వైద్యులు చికిత్స చేస్తున్నారని చెప్పారు. పెద్దోళ్లకు యశోద ఆస్పత్రి చికిత్స.. పేదలకు ప్రభుత్వ ఆస్పత్రిలో చికిత్సలు చేస్తుందని బండి సంజయ్ విమర్శించారు.
కేసీఆర్ ఖమ్మం వచ్చి డబుల్ బెడ్ రూంలు ఇస్తానన్న హామీ ఏమైందని బండి సంజయ్ ప్రశ్నించారు. ఇక్కడకు వచ్చినప్పుడు దావత్ కావాలని అన్నారని.. రా కేసీఆర్.. నీకు ఏ దావత్ కావాలంటే ఆ దావత్ ఇస్తామంటూ ఎద్దేవా చేశారు డబల్ బెడ్ రూమ్ లు నాణ్యత లేదంటే పేదల మీద కేసులు పెడతారా…. ఇదేమి న్యాయమంటూ ప్రశ్నించారు. కేంద్ర ప్రభుత్వం 1500 కోట్లు ఇస్తే ఒక్క ఇల్లు కూడా కట్టడం లేదని మండిపడ్డారు. కేసీఆర్ కు నిద్రపట్టడం లేదని అన్నారు. రోజు బిజెపి కలలో వస్తుంది.. బిజెపి అంటేనే భయ పడుతున్నారని.. అందుకనే ఫామ్ హౌస్ నుంచి బయటకు రావడం లేదని పేర్కొన్నారు.