భారీ వర్షాలు, వరదలు భాగ్యనగరం హైదరాబాద్‌ను అతలాకుతలం చేశాయి. గడిచిన వందేళ్లలో ఎన్నడూ లేనంత వర్షపాతం నమోదవడంతో హైదరాబాద్ చిగురుటాకులా వణికిపోయింది. ముఖ్యంగా పాతనగరం అల్లకల్లోలంగా మారింది. నాలాలు పొంగి పొర్లడం, చెరువులకు గండ్లు పడటంతో ఇళ్లలోకి భారీగా వరద నీరు చేరి ప్రజలు తీవ్ర ఇబ్బందులకు గురవుతున్నారు. తిండీతిప్పలు లేక అవస్థలు పడుతున్నారు.
ఈ నేపథ్యంలో హైదరాబాద్ వరద బాధితులను ఆదుకోవడం కోసం టాలీవుడ్ ఇండస్ట్రీ ముందుకొచ్చింది. చిత్ర సీమా నుండి అనేక మంది తమకు తోచిన సాయాన్ని ప్రకటించగా..ఇస్మార్ట్ శంకర్ రామ్ సైతం తనవంతుగా రూ. 25 లక్షల సాయాన్ని ప్రకటించారు. ప్రకటించినట్లే ఈరోజు స్వయంగా మంత్రి కేటీఆర్ కు చెక్ ను అందజేశారు.
.@ramsayz Contributed 25L Rupees to The CM Relief Fund To Help The people effected By The Floods in Hyderabad. Handed Over the Cheque to @KTRTRS Garu @TelanganaCMO pic.twitter.com/UjRBpdoo0c— BARaju (@baraju_SuperHit) October 22, 2020
