ఏపీ సీఎం ఫై డాషింగ్ డైరెక్టర్ ప్రశంసలు

ఆంధ్రప్రదేశ్ ముఖ్యమంత్రి జగన్ మోహన్ రెడ్డి ఫై టాలీవుడ్ డాషింగ్ డైరెక్టర్ పూరి ప్రశంసల జల్లు కురిపించారు. ఈరోజు (జులై 01 ) ఆంధ్రప్రదేశ్ రాష్ట్రంలో 104, 108 సర్వీసుల్ని జగన్ ప్రారంభించారు. ఈ సందర్భంగా ఆయనకు రాజకీయనేతలు , అభిమానులు , కార్య కర్తలే కాక సినీ ప్రముఖుల నుంచి కూడా శుభాకాంక్షలు వెల్లువెత్తుతున్నాయి.

ఈ సందర్భంగా టాలీవుడ్ ప్రముఖ దర్శకుడు పూరి జగన్నాథ్ జగన్‌ను పొగుడుతూ సోషల్ మీడియాలో పోస్టు పెట్టారు. ట్విట్టర్ వేదికగా హ్యాట్పాఫ్ జగన్ అంటూ ఆయన ట్వీట్ చేశారు. దేశ వ్యాప్తంగా అంతా కరోనా కోసం తీవ్రంగా పోరాడుతున్న సమయంలో అత్యవసర పరిస్థితి కోసం అంబులెన్స్ సర్వీసులు ప్రారంభించడం గొప్ప విషయమన్నారు. అత్యవసర పరిస్థితులు, ప్రమాదాలు, విపత్తులు మరియు తీవ్రమైన అమరికల కోసం AP లోని పట్టణ గ్రామీణ ప్రాంతాల్లో ‘108,104’ అంబులెన్స్‌ల సముదాయాన్ని ఏర్పాటు చేసిన జగన్ గారికి అభినందనలు అంటూ పూరి ట్వీట్ చేశారు.