ప్రముఖ రాజకీయ వ్యూహకర్త ప్రశాంత్ కిషోర్ కాంగ్రెస్ పార్టీపై కీలక వ్యాఖ్యలు చేశారు. బీహార్ లోని వైశాలీ జిల్లాలో పర్యటిస్తున్న ఆయన తానే ఏ రాజకీయ పార్టీ కోసం పనిచేసిందీ.. ఎక్కడ ఏం జరిగిందీ వివరించారు. కాంగ్రెస్ పార్టీ తన ట్రాక్ రికార్డ్ దెబ్బతీసిందన్నారు. కాంగ్రెస్ పార్టీ తాను మునిగిపోవడమే కాకుండా తనను నమ్ముకున్నవారిని కూడా ముంచేస్తుందన్నారు. 2017 యూపీ ఎన్నికల్లో కాంగ్రెస్ తరఫున పనిచేసి ఓడిపోయినట్టు చెప్పిన ఆయన.. దీని ఫలితంగానే ఆ పార్టీతో పనిచేయకూడదని నిశ్చయించుకున్నట్టు వెల్లడించారు. పదేళ్లలో తాను 11 ఎన్నికల్లో పాల్గొంటే ఒక్కటే ఓడిపోయామని.. అది కూడా కాంగ్రెస్తో కలిసినప్పుడే ఓడిపోయిన విషయాన్ని వివరిస్తూ..కాంగ్రెస్ తన ట్రాక్ రికార్డును వారు దెబ్బతీసిందన్నారు. ఇప్పుడు ఈ వ్యాఖ్యల పై రాజకీయంగా చర్చనీయాంశమయ్యాయి.
