పవన్‌ కళ్యాణ్‌ పర్యటన కారణంగా టీఆర్‌ఎస్‌ బలం పెరిగినట్లయ్యిందని రాజకీయ విశ్లేషకులు అభిప్రాయం వ్యక్తం చేస్తున్నారు. పవన్‌పై కాంగ్రెస్‌ నాయకులు చేస్తున్న విమర్శలే ఆ విషయాన్ని తెలియజేస్తున్నాయి. తెలంగాణలో పవన్‌ కళ్యాణ్‌ పర్యటన జనసేనకు ఏమేరకు ఉపయోగం అయ్యిందో తెలియదు కాని కేసీఆర్‌ అండ్‌ టీంకు బూస్ట్‌ ఇచ్చినట్లుగా అయ్యిందంటూ రాజకీయ విశ్లేషకులు చెబుతున్నారు. తెలంగాణలో జనసేన పార్టీ పోటీ చేస్తుందని చెప్పిన పవన్‌, కొన్ని స్థానాలకే పరిమితం అవుతుందని చెప్పకనే చెప్పాడు. మిగిలిన స్థానాల్లో టీఆర్‌ఎస్‌కు జనసేన మద్దతు తెలిపే అవకాశం ఉందని ప్రచారం జరుగుతుంది. మొత్తానికి తెలంగాణలో జనసేన బలపడితే ఖచ్చితంగా అది టీఆర్‌ఎస్‌కు లాభం అని రాజకీయ విశ్లేషకులు అంచనా వేస్తున్నారు.