ఇప్పటికే తెలుగుదేశం నేతలు చాలామంది వైసీపీ పార్టీ తీర్థం పుచ్చుకోగా..తాజాగా మరో టీడీపీ ఎమ్మెల్యే ఫ్యాన్ కిందకు వెళ్తున్నారు. టీడీపీ మాజీ ఎమ్మెల్యే పంచకర్ల రమేష్ బాబు రేపు వైసీపీ పార్టీ లో చేరబోతున్నారు.
ముఖ్యమంత్రి వైఎస్ జగన్ సమక్షంలో ఆయన వైసీపీ కండువా కప్పుకోనున్నారు. విశాఖను రాజధానిగా టీడీపీ వ్యతిరేకించడాన్ని నిరసిస్తూ కొన్ని నెలల క్రితమే తెలుగుదేశానికి ఆయన రాజీనామా చేశారు. అప్పటి నుంచి రాజకీయాలకు దూరంగా ఉంటున్నారు. తాజాగా వైసీపీ లో చేరేందుకు డిసైడ్ అయ్యారు.